Home
યોજના-ભરતી
Post Office Scheme:પત્નીના નામથી પોસ્ટ ઓફિસની આ સ્કીમમાં કરો રોકાણ, દર મહિને મળશે રૂપિયા 9,250 વ્યાજ

Post Office Scheme:પત્નીના નામથી પોસ્ટ ઓફિસની આ સ્કીમમાં કરો રોકાણ, દર મહિને મળશે રૂપિયા 9,250 વ્યાજ

06:50 PM April 13, 2025 Gujju News Channel

તમે પોસ્ટ ઓફિસમાં વિવિધ પ્રકારની રોકાણ યોજનાઓમાં પણ પૈસા રોકાણ કરી શકો છો. જેમાં મળશે સારૂં વ્યાજ

Post Office Scheme: ભારતીય પોસ્ટ ઓફિસ ફક્ત ટપાલ સેવાઓ જ નહીં પરંતુ બેંકિંગ સેવાઓ પણ પૂરી પાડે છે. તમે પોસ્ટ ઓફિસમાં બચત ખાતું ખોલી શકો છો તમે FD ની જેમ જ TD ખાતું ખોલી શકો છો અને તમે RD ખાતું ખોલી શકો છો. આ ઉપરાંત તમે પોસ્ટ ઓફિસમાં વિવિધ પ્રકારની રોકાણ યોજનાઓમાં પણ પૈસા રોકાણ કરી શકો છો.

► કંઈ યોજનામાં રોકાણ કરવાથી મળશે સૌથી વધુ વ્યાજ ?

આજે અમે તમને પોસ્ટ ઓફિસની એક એવી યોજના વિશે જણાવવા જઈ રહ્યા છીએ જેમાં ફક્ત એક જ વાર રોકાણ કરીને તમે દર મહિને ઘરે બેઠા પૈસા કમાઈ શકો છો. એક ખાતામાં રૂપિયા 9 લાખ અને સંયુક્ત ખાતામાં 15 લાખનું રોકાણ કરી શકાય
પોસ્ટ ઓફિસ MIS એક એવી યોજના છે જેમાં એકસાથે રોકાણ કરવામાં આવે છે. આ યોજનામાં તમે ઓછામાં ઓછા રૂપિયા 1000 અને વધુમાં વધુ રૂપિયા 9 લાખનું રોકાણ કરી શકો છો.

જો તમે આ યોજનામાં સંયુક્ત ખાતું ખોલવા માંગતા હો, તો તમે તેમાં વધુમાં વધુ 15 લાખ રૂપિયાનું રોકાણ કરી શકો છો. પોસ્ટ ઓફિસ MIS યોજના પર તમને વાર્ષિક 7.4 ટકા વ્યાજ મળે છે અને વ્યાજના પૈસા દર મહિને તમારા બેંક ખાતામાં આવતા રહે છે. આ પોસ્ટ ઓફિસ યોજના 5 વર્ષના લોક-ઇન સમયગાળા સાથે આવે છે. જોકે, ચોક્કસ પરિસ્થિતિઓમાં, તમે 5 વર્ષ પહેલાં પણ તમારું ખાતું બંધ કરી શકો છો અને પૈસા ઉપાડી શકો છો.

► સરકારી ગેરંટી સાથે તમને દર મહિને રૂપિયા 9250નું નિશ્ચિત વ્યાજ મળશે

જો તમે પરિણીત છો, તો તમે તમારી પત્ની સાથે MIS યોજનામાં સંયુક્ત ખાતું ખોલાવી શકો છો. MIS યોજના હેઠળ, તમે તમારી પત્ની સાથે સંયુક્ત ખાતામાં રૂપિયા 15 લાખનું રોકાણ કરી શકો છો. જો તમે રૂપિયા 15 લાખનું રોકાણ કરો છો તો ૫ વર્ષ સુધી દર મહિને રૂપિયા 9250નું નિશ્ચિત વ્યાજ તમારા બેંક ખાતામાં આવતું રહેશે. 5 વર્ષ પૂર્ણ થયા પછી, તમારા દ્વારા જમા કરાયેલા રૂપિયા 15 લાખ ની સંપૂર્ણ રકમ પણ તમારા બેંક ખાતામાં ટ્રાન્સફર થઈ જાય છે. તમને જણાવી દઈએ કે આ એક સરકારી યોજના છે, જે કેન્દ્ર સરકારની દેખરેખ હેઠળ પોસ્ટ ઓફિસ દ્વારા ચલાવવામાં આવી રહી છે. આ યોજનામાં તમારા પૈસા સંપૂર્ણપણે સુરક્ષિત છે અને તમને દર મહિને ગેરંટી સાથે નિશ્ચિત વ્યાજ મળતું રહે છે.